Drilio Safle Tirlenwi
- Ffynhonnau Tynnu Nwyon Safleoedd Tirlenwi
- Ffynhonnau Cywasgu
- Monitro Tyllau Turio
- Tyllau Turio Trwytholchion
Dychwelyd at y Gwasanaethau i Gyd
ein gwasanaethau
- Tyllau Turio Trwytholchion
- Ffynhonnau Nwy Safleoedd Tirlenwi
- Drilio Tyllau Turio Dŵr
- Monitro Tyllau Turio
- Ffynhonnau Cywasgu
- Trin Dŵr
Tyllau Turio Trwytholchion
Tyllau Turio Trwytholchion
Mae deddfwriaeth yn ei gwneud hi'n ofynnol bod modd rheoli a monitro lefelau trwytholchion mewn safleoedd tirlenwi. Yn anffodus, oherwydd setliad gwahaniaethol, a dyddodiad silt, mae sawl twll turio trwytholchion yn methu neu'n dod yn aneffeithiol.
Mae gosod twll turio arall yn golygu drilio hyd at yr haenu draenio ar waelod y safle tirlenwi. Mae twll turio nad yw'n rhyng-gipio'r blanced ddraenio yn aneffeithiol. Gan mai dim ond 300mm o drwch yw'r blanced draenio, mae'r angen i ryng-gipio'r blanced draenio, heb ddifrodi'r peirianwaith cyfyngiant, yn rhoi cryn dipyn o bwysau ar y driliwr.
Yn ogystal â hynny, mae'n debygol y bydd y gwastraff ar waelod y safle tirlenwi yn ddirlawn gyda thrwytholchion a bydd dulliau drilio arferol, gan ddefnyddio ebill casgen, yn methu gan fod y deilliannau'n cael eu colli o'r gasgen wrth ei thynnu nôl.
Wrth wynebu'r her o ryng-gipio'r blanced draenio, heb beryglu leiner, ynghyd â'r gofynion i alldynnu gwastraff dirlawn, mae ôl-ddrilio trwytholchion yn weithred llawn sialens.
Gwelodd Dragon Drilling y galw am ôl-ddrilio ffynhonnau trwytholchion ac maent wedi datblygu offer sydd wedi bod yn llwyddiannus 100% wrth gyrraedd dyfnderoedd tyllau turio heb ddifrodi leiner y safle tirlenwi. Mae pob ôl-ddrilio trwytholchion ers 2005 wedi bod yn llwyddiannus.
Pam fod Dragon Drilling mor llwyddiannus?
Yn 2005, cychwynnwyd gwaith datblygu ar esgid ddrilio wedi ei chynllunio'n arbennig ar gyfer drilio drwy wastraff. Perffeithiwyd y cynllun yn 2006 a rhoddwyd patent GB 2426988 ar yr 20fed o Fai 2007. Drwy ddefnyddio esgid ddrilio arbenigol, gall Dragon Drilling ddrilio'n ddyfnach ac yn fwy effeithiol nag unrhyw weithredwyr eraill.
Mae defnyddio esgid ddrilio arbenigol, ynghyd ag offeryniaeth ar y peiriant drilio a Blaen Ddrilwyr hynod grefftus, yn ein galluogi i adnabod y blanced draenio cyn gynted ag y bydd yr esgid ddrilio'n dod i gysylltiad â hi. Mae defnyddio'r offer yma a'r technegau drilio wedi galluogi Dragon Drilling i gadw record sy'n destun eiddigedd, gan nad ydynt erioed wedi treiddio trwy'r peirianwaith cyfyngiant ar safle tirlenwi.
Yn 2006, datblygwyd techneg ddrilio a oedd yn golygu y gellid cael gwared â gwastraff dirlawn o dwll turio ar ôl i nodweddion ffisegol y gwastraff newid drwy ddefnyddio asiant cyflyru. Rhoddwyd patent GB 2431177 ar y 13eg Awst 2008 ar gyfer cyflyru gwastraff dirlawn o dwll turio.
Mae'r gallu i ryng-gipio'r blanced draenio, ynghyd â'r dechneg i gael gwared â gwastraff dirlawn o ddyfnderoedd hyd at 70m, wedi galluogi Dragon Drilling i osod tyllau turio trwytholchion ar safleoedd lle mae dulliau drilio arferol medi methu dro ar ôl tro. Daw'r llwyddiant yn sgil dyfeisgarwch, datblygu, hyfforddi a phrofiad.
Gellir gosod tyllau turio trwytholchion mewn câs o MDPE gyda diamedr allanol o 315mm, 250mm neu 225mm. Gan y bydd dur Ø406mm wedi ei ddefnyddio fel arfer er mwyn cyrraedd dyfnder, mae'n bosibl tynnu'r câs dur Ø406mm yn ei ôl gan ddefnyddio 1 i 6m er mwyn cael amddiffyniad i'r câs MDPE rhag dyddodiad gwahaniaethol.
Mae'n well gan rai gweithredwyr gael gwared ar y câs dur Ø406mm ac mae rigiau Dragon Drilling yn ddigon pwerus er mwyn tynnu câs dur Ø406mm sydd wedi ei osod hyd at ddyfnder o 65m.
Dewis arall yn lle defnyddio câs MDPE yw gosod câs dur Ø244mm o fewn y câs dur Ø406mm, sy'n cael ei dynnu oddi yno unwaith y byd y twll turio wedi ei gwblhau. Mae gan y dur Ø244mm y cryfder i wrthsefyll setliad gwahaniaethol ac mae hefyd yn galluogi arbed arian fel y bydd y dur Ø406mm yn cael ei adfer. Yn fwy na hynny, gellir defnyddio'r opsiwn dur Ø244mm ar safleoedd lle byddai rhai mannau penodol yn dinistrio câs MDPE.
Caiff yr holl gasys dur eu cynhyrchu yn ein gweithdy yn Rhuthun.
