Lansio Gwefan Newydd
Bydd ein gwefan newydd yn cael ei diweddaru'n rheolaidd gyda'r newyddion diweddaraf, astudiaethau achos a gwybodaeth am dyllau turio dŵr neu rai geothermol.
Geoff Ellison & Frankie Hay
Darllen mwy...
ein gwasanaethau
- Tyllau Turio Trwytholchion
- Ffynhonnau Nwy Safleoedd Tirlenwi
- Drilio Tyllau Turio Dŵr
- Monitro Tyllau Turio
- Ffynhonnau Cywasgu
- Trin Dŵr
Water Boreholes North Wales
Water Boreholes North Wales
Mae Dragon Drilling wedi eu lleoli yn Rhuthun, Gogledd Cymru. Rydym yn arbenigo mewn Drilio Tyllau Turio Dŵr a Drilio Safleoedd Tirlenwi yn y DU.
Dysgwch fwy am ein profiad a’n cymwysterau.
Tyllau Turio Dŵr a Thrin Dŵr
Mae gan staff Dragon Drilling 30 mlynedd o brofiad yn y diwydiant dŵr. Gallwn ddarparu gwasanaeth cyflawn ar gyfer defnydd masnachol neu ddefnydd cartref. O’r arolwg daearegol cychwynnol, hyd at osod y pympiau tyllau turio ac isadeiledd y cyflenwad dŵr, rydych mewn dwylo diogel gyda Dragon Drilling.
Rydym hefyd yn darparu gwasanaeth dadansoddi ansawdd dŵr mewn cydweithrediad â labordy Cwmni Dŵr Cenedlaethol sydd ag achrediad NAMAS. Mae cyngor ar drin dŵr a chyflenwi a gosod offer trin dŵr hefyd ar gael.
Drilio Safleoedd Tirlenwi
Mae Dragon Drilling yn darparu gwasanaeth cyflawn i’r diwydiant tirlenwi gyda thyllau turio er mwyn tynnu a defnyddio nwyon tirlenwi, rheoli trwytholchion a monitro amgylcheddol. Gellir gosod ffynhonnau effaith er mwyn rheoli nwyon dros dro yn ogystal â gwerthuso tanau tanddaearol.
Mae gan Dragon Drilling Beirianwyr Amgylcheddol Siartredig sy’n gallu darparu cyngor a chymorth ar yr holl faterion yn ymwneud â safleoedd tirlenwi yn ogystal â chynnig cyswllt â sefydliadau rheoleiddio. Darparwyd gwasanaethau datrys problemau ar hyd a lled y DU, Ewrop, y Dwyrain Canol, Awstralia a’r Unol Daleithiau.
